უნგრეთის საგარეო საქმეთა მინისტრი ტრამპის მიერ ევროკავშირის წინააღმდეგ ახალი ტარიფების დაწესებაში ბრიუსელს ადანაშაულებს

უნგრეთის საგარეო საქმეთა მინისტრი, პიტერ სიიარტო მიიჩნევს, რომ ბრიუსელი დამნაშავეა იმაში, რომ აშშ-ს პრეზიდენტმა, დონალდ ტრამპმა გადაწყვიტა ახალი ტარიფების დაწესება ევროკავშირის ქვეყნებისთვის.

სიიარტოს თქმით, ევროპის მოსახლეობა „კიდევ ერთხელ იხდის საფასურს ბრიუსელის პოლიტიკოსების არაკომპეტენტურობის გამო“, რომლებმაც ვერ შეძლეს აშშ-თან მოლაპარაკება.

„სიტუაცია ნათელი გახდა აშშ-ს პრეზიდენტის გუშინდელი სატარიფო განცხადებების შემდეგ. ევროკომისიას უნდა ეწარმოებინა მოლაპარაკებები. მათ ჰქონდათ ორნახევარი თვე ამისთვის. ისინი არ აწარმოებდნენ მოლაპარაკებებს. ამის ნაცვლად ეკონომიკური საკითხი იდეოლოგიურში გადაიყვანეს და ყველაფერი ეს ათასობით ევროს ყოველთვიური ხელფასის სანაცვლოდ“, – წერს სიიარტო.