მთის კვირეულის ფარგლებში, ღონისძიება რაჭაში-შოვში გაიმართა

მთის კვირეულის ფარგლებში, დღეს, ღონისძიება რაჭაში-შოვში გაიმართა. პროექტი საქართველოს მთავრობის და უშუალოდ პრემიერ-მინისტრ ირაკლი ღარიბაშვილის ინიციატივით ხორციელდება.

ფესტივალს შოვმა უმასპინძლა, საფესტივალო სივრცეში გამოფენილი იყო ადგილობრივი მეწარმეების გამოფენა-გაყიდვა, ეთნოგრაფიულ-შემეცნებითი კუთხეები.

მთის დღეების მუსიკალურ პროგრამაში მონაწილეობდნენ ისეთი ცნობილი მუსიკალური ჯგუფები და მომღერლები, როგორებიც არიან: მუსიკალური ჯგუფი "გუფი ლენდი", ვოკალური ეთნო გუნდი "ბანი", ვოკალური და ინსტრუმენტალური მუსიკა პერფორმანსი "რეზო და ბავშვები", ანსამბლი "ჰერიო".

ფესტივალს რაჭა-ლეჩხუმ- ქვემო სვანეთის სახელმწიფო რწმუნებული პაპუნა მარგველიძე ადგილობრივი ხელისუფლების წარმომადგენლებთან ერთად ესწრებოდა.

"დღეს ჩვენ აღვნიშნავთ ‘’მთის დღეებს’’ შოვში, რომელიც საქართველოს მთავრობის და უშუალოდ პრემიერ-მინისტრ ირაკლი ღარიბაშვილის ინიციატივით იმართება. სწორედ მთავრობის პრიორიტეტი გახლავთ, რომ მთას მიენიჭოს განსაკუთრებული მნიშვნელობა და ყოველწლიურად, ტრადიციულად ერთად აღვნიშნოთ ჩვენი ერთ-ერთი გამორჩეული სიამაყე ‘’მთის დღეები’’ - აღნიშნა სახელმწიფო რწმუნებულმა პაპუნა მარგველიძემ.