მიხეილ სარჯველაძე თეა ახვლედიანთან ერთად ქუთაისში დევნილ ოჯახებს ესტუმრა და შობა-ახალი წელი მიულოცა

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე, შერიგებისა და სამოქალაქო თანასწორობის საკითხებში სახელმწიფო მინისტრ თეა ახვლედიანთან ერთად ქუთაისში დევნილ ოჯახებს ესტუმრა და შობა-ახალი წელი მიულოცა.

1600-ზე მეტი დევნილი ოჯახი, ქუთაისისა და თბილისის საცხოვრებელ კომპლექსებში, ახალ 2026 წელს, გარემონტებულ ახლადგადაცემულ ბინებში შეხვდა.

იძულებით გადაადგილებული ოჯახებისთვის საცხოვრებელი კომპლექსების მშენებლობა აქტიურად გრძელდება და ამ ეტაპზე ერთდროულად 4 ქალაქში - თბილისში, რუსთავში, ზუგდიდსა და ბორჯომში მიმდინარეობს. დევნილი ოჯახებისთვის სრულფასოვანი საცხოვრებელი გარემოს შექმნის მიზნით, ყველა პროექტი გარე ინფრასტრუქტურის კეთილმოწყობასაც ითვალისწინებს.

ინფორმაციას ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო ავრცელებს.