მარნეულის მუნიციპალიტეტმა ტრადიციულად უმასპინძლა თენგიზ ნავერიანის სახელობის საქართველოს საკლუბო ჩემპიონატს ძიუდოში

მიმდინარე წლის 7 დეკემბერს, საქართველოს ძიუდოს ეროვნული ფედერაციის და მარნეულის მუნიციპალიტეტის სპორტული სკოლის ორგანიზებით, ასევე მარნეულის მუნიციპალიტეტის ადგილობრივი თვითმმართველობის მხარდაჭერით, "აზერბაიჯან ჰაუსის" სპორტულ ცენტრში, გაიმართა ქვემო ქართლში ძიუდოს ერთ-ერთი დამაარსებლის და ჩოხიანი ჭიდაობის დამფუძნებლის, საქართველოს დამსახურებული მწვრთნელის და სპორტის დამსახურებული ოსტატის, მარნეულის სპორტული სკოლის ფუძემდებლის, თენგიზ ნავერიანის ხსოვნისადმი მიძღვნილი ტრადიციული, რიგით მეცამეტე საქართველოს საკლუბო ჩემპიონატი ძიუდოში.

ღონისძიებას ესწრებოდნენ: საქართველოს ძიუდოს ეროვნული ფედერაციის ვიცე პრეზიდენტი, გიორგი ათაბეგაშვილი,  ძიუდოს ეროვნული ფედერაციის ვიცე პრეზიდენტი და მეცხრე მოწვევის პარლამენტის წევრი თამაზ ნავერიანი, მარნეულის მუნიციპალიტეტის მერის მოადგილე, თემურ შუბითიძე, მარნეულის მუნიციპალიტეტის სპორტული სკოლის დირექტორი მამუკა ნავერიანი, ასევე თენგიზ ნავერიანის მეგობრები, მათ შორის გელა შინჯიკაშვილი, საერთაშორისო სპორტის ოსტატი, მეცნიერებათა დოქტორი, დავით ბერძენიშვილი. 
სიტყვით გამომსვლელებმა ისაუბრეს თენგიზ ნავერიანის მოღვაწეობაზე და მის მიერ განხორციელებული საქმეების მნიშვნელობაზე.

აღნიშნულ ჩემპიონატში მონაწილეობა მიიღო გუნდების რეკორდულმა რაოდენობამ, საქართველოს სხვადასხვა ქალაქის 35 გუნდის კლუბის ორასამდე სპორტსმენმა.

ტურნირის ჩემპიონი გახდა კლუბი "კაიძენ სპორტი" მეორე ადგილზე გავიდა კლუბი "ოლიმპიური ვარსკვლავი", მესამე საპრიზო ადგილის მფლობელები გახდნენ კლუბი "შავი ავაზა" და კლუბი "ლიდერი"ტურნირზე გათამაშდა მარნეულელი, ტრაგიკულად დაღუპული სპორტსმენის, ბექა წიფიანის სახელობის თასი, რომლიც დაგაეცა ტურნირის საუკეთესო ტექნიკურ ძიუდოისტს, ლუკა ნანავას.