ხანძარი თელავში - საცხოვრებელ სახლს ცეცხლი გაუჩნდა

თელავის ცენტრში, დასვენების პარკ „ნადიკვართან" ორსართულიანი საცხოვრებელი სახლი იწვის.

სახლში მყოფმა ადამიანებმა, შენობის დატოვება მოასწრეს. შემთხვევის ადგილზე სახანძრო-სამაშველო ჯგუფები და საპატრულო პოლიცია იმყოფება.

მეხანძრე-მაშველები სახლის მეორე სართულზე, ცეცხლის ლოკალიზებას ცდილობენ.

ხანძრის გამომწვევი მიზეზი, ამ დროისათვის უცნობია.