ჯონდო მდივნიშვილი კახეთში სტიქიაზე: სანიაღვრე არხები ვერ ატარებს უხვად მოსულ ნალექს. ნიადაგიც წყლის მასით არის გაჯერებული. მუშაობს როგორც მუნიციპალური ტექნიკა, ასევე - სამაშველო ეკიპაჟები

ლაგოდეხის მუნიციპალიტეტის მერმა ჯონდო მდივნიშვილმა კახეთში, ლაგოდეხის მუნიციპალიტეტში უხვად მოსული ნალექის შედეგად შექმნილ პრობლემებსა და მოგვარების გზებზე ისაუბრა.

მისი თქმით, მუნიციპალიტეტი პრობლემების მოსაგვარებლად ყველაფერს აკეთებს.

„პრობლემებია, სანიაღვრე არხები ვერ ატარებს უხვად მოსულ ნალექს. გაჯერებულია ნიადაგიც წყლის მასით. მიმდინარეობს სამუშაოები. როგორც მუნიციპალური ტექნიკა, ასევე სამაშველო ეკიპაჟებიც მუშაობენ და დღეის მდგომარეობით რისი გაკეთებაც შეიძლება ამ მიმართულებით მუნიციპალიტეტი აქტიურად მუშაობს“,-აღნიშნა ჯონდო მდივნიშვილმა.