ახალქალაქში საახალწლო სამზადისი მიმდინარეობს

ახალქალაქში წლის მთავარი ღონისძიებისთვის მზადებაა. ცენტრალურ პარკთან ეწყობა საშობაო ბაზრობა, დგამენ დეკორაციებს და ამონტაჟებენ სცენას. ორგანიზატორები სტუმრებს მრავალფეროვან პროგრამას ჰპირდებიან.

ბავშვებისთვის სხვადასხვა გასართობი და შემეცნებითი აქტივობაა დაგეგმილი, მათ განწყობაზე თოვლის პაპა და ზღაპრის გმირები იზრუნებენ. საღამოს აანთებენ ნაძვის ხეს, გაიმართება კონცერტი. საღამოს ფოიერვერკი დაასრულებს.