თუ გაღვიძებისას თავი გტკივათ - ეს უნდა იცოდეთ

დილის თავის ტკივილის ყველაზე გავრცელებული მიზეზები:

ძილის აპნოე

დილის თავის ტკივილი გაცილებით ხშირია ძილის აპნოეს მქონე ადამიანებში.

ექსპერტებმა ჯერ კიდევ არ იციან, დილაობით თავის ტკივილი გამოწვეულია ჟანგბადის ნაკლებობით, ნახშირორჟანგის მაღალი შემცველობით, თუ უბრალოდ ძილის დარღვევით. როგორიც არ უნდა იყოს მიზეზი, დილის თავის ტკივილი ჩვეულებრივ ქრება ძილის აპნოეს მკურნალობის შემდეგ.

შაკიკი

ახალმა კვლევებმა აჩვენა, რომ დილის შაკიკი შეიძლება დაკავშირებული იყოს ცირკადული რიტმის დარღვევასთან.

ძილის ნაკლებობა

არასაკმარისი ძილი შეიძლება იყოს მიზეზი, რის გამოც იღვიძებთ დილის უსიამოვნო თავის ტკივილით.

ზედმეტი ძილი

ბევრმა ძილმა შეიძლება გამოიწვიოს დილის თავის ტკივილი. ზედმეტმა ძილმა ასევე შეიძლება დაარღვიოს თქვენი ცირკადული რიტმი.

როგორ ავიცილოთ თავიდან დილის თავის ტკივილი

მიუხედავად იმისა, რომ შეიძლება ყოველთვის არ იყოს შესაძლებელი დილით ძლიერი თავის ტკივილის თავიდან აცილება, არსებობს რამდენიმე მარტივი რამ, რისი გაკეთებაც შეგიძლიათ:

დაიცავით ძილის თანმიმდევრული გრაფიკი;
მოერიდეთ ალკოჰოლს ძილის წინ;
სამი-ოთხი საათით ადრე
მიირთვით დაბალანსებული დიეტა;
იყავით ჰიდრატირებული;
ივარჯიშეთ რეგულარულად, მაგრამ არა ძალიან ახლოს ძილის წინ, რამაც შეიძლება გავლენა მოახდინოს ძილზე;
არ გამოტოვოთ კვება;
იპოვეთ სტრესის მართვის გზები
ზოგიერთმა წინასწარმა კვლევამ აჩვენა, რომ მეტი ომეგა-3 ცხიმოვანი მჟავების მიღება შეიძლება ასევე დაგეხმაროთ დილის თავის ტკივილის დროს.

როდის მივმართოთ ექიმს

ზოგიერთი დილის თავის ტკივილი ადვილად ასახსნელია და ქრება მკურნალობის გარეშე, მაგრამ სხვა თავის ტკივილი შეიძლება რთული აღმოჩნდეს.

თუ დილის თავის ტკივილი მოიცავს შემდეგს, მიმართეთ ექიმს: ახალი, მუდმივი, უფრო მძიმე ან ხარისხით განსხვავებული თავის ტკივილი, რომელსაც თან ახლავს სხვა სიმპტომები, როგორიცაა მხედველობის ცვლილება, სისუსტე ან დაბუჟება, ძლიერი გულისრევა და ღებინება.