ონკოლოგმა ტვინის სიმსივნის უჩვეულო სიმპტომი დაასახელა

ონკოლოგმა, მედიცინის მეცნიერებათა კანდიდატმა, ლაბორატორია „ჰემოტესტის“ ექსპერტმა ანასტასია ფატიანოვამ ტვინის სიმსივნის უჩვეულო სიმპტომი დაასახელა. 

ექიმმა აღნიშნა, რომ ტვინის ავთვისებიანი წარმონაქმნების არასპეციფიკური გამოვლინება შესაძლებელია განწყობის მკვეთრი ცვალებადობა იყოს. მან განმარტა: თუ სიმსივნე აწვება ან აზიანებს ტვინის იმ უბნებს, რომლებიც პასუხისმგებელია ემოციებსა და თვითკონტროლზე, ადამიანი თითქოს საკუთარ თავს არ ჰგავს. ის არაპროგნოზირებადი გახდა, მშვიდი იყო  ემოციურად არამდგრადი გახდა, გატაცებით მუშაობდა  და უეცრად ყველაფრის მიმართ ინტერესი დაკარგა, ჩაიკეტა საკუთარ თავში.

ექიმმა ასევე აღნიშნა, რომ ზოგჯერ ასეთი სიმსივნის მქონე ადამიანები საკუთარი მდგომარეობის კრიტიკულად შეფასებას წყვეტენ. მათ შეუძლიათ ჩაიდინონ სარისკო ან თუნდაც არაადეკვატური ქმედებები.

ონკოლოგმა დააზუსტა, რომ მსგავსი ცვლილებები, როგორც წესი, ეტაპობრივად ვითარდება და სხვა სიმპტომებთან არის შეხამებული. მაგალითად, თუ ქცევის ახალ, ხანგრძლივ ცვლილებებს ემატება ხშირი თავის ტკივილი, გულისრევა და ღებინება (რომელიც საკვების მიღებასთან არ არის დაკავშირებული) ან მხედველობის გაუარესება, ეს უკვე ჯანმრთელობის შემოწმების მიზეზია - ამბობს ექიმი.