„დადეთ დაფნის ფოთლები შემოსასვლელი კარის ხალიჩის ქვეშ" - ეზოტერიკოსის რჩევა, სახლში რომ მუდამ ფული ტრიალებდეს

მინეროლოგი და ეზოტერიკოსი, თამარ იოსელიანი სოციალურ ქსელში საინტერესო ინფორმაციას გვიზიარებს. 

„დაფნის ფოთოლი ბარაქისთვის, იღბლისა და კეთილდღეობისთვის  
არსებობს მარტივი, უძველესი რიტუალი, რომელსაც იმისთვის აკეთებენ, რომ სახლში ფული ტრიალებდეს, კარგი შესაძლებლობები ჩნდებოდეს, სივრცე კი კეთილდღეობის ენერგიით ივსებოდეს.
ამ პრაქტიკისთვის დაგჭირდებათ 4 ცალი დაფნის ფოთოლი.
რიტუალის ჩატარება უმჯობესია მზარდი მთვარის პერიოდში
  

მოათავსეთ დაფნის ფოთლები შემოსასვლელი კარის ხალიჩის (ფეხსაწმენდის) ქვეშ. დაალაგეთ ისინი ისე, რომ ყუნწები ერთმანეთისკენ იყოს მიმართული და სამყურას

ფორმას ქმნიდეს.
ამის შემდეგ ჩუმად წარმოთქვით:
„დაფნავ, მომიტანე იღბალი,
მოიზიდე ჩემკენ ფული,
გახსენი გზა ბარაქისკენ
იყოს ჩემი სახლი მდიდარი და ბედნიერი.
დაე, ასე იყოს“.
 

რა არის მნიშვნელოვანი: ფოთლები თვეში ერთხელ ახლით უნდა შეცვალოთ.
ძველი დაფნის ფოთლები შეგიძლიათ მაშინვე არ გადაყაროთ, არამედ სივრცის გასაწმენდად გამოიყენოთ. ფრთხილად დაწვით ისინი უსაფრთხო, ცეცხლგამძლე ჭურჭელში და შემოუარეთ სახლს საათის ისრის მიმართულებით, რათა სივრცე დაფნის არომატით აივსოს.
 

გააკეთეთ ეს კეთილი აზრებით, მშვიდად და აუჩქარებლად. დაე, თქვენს სახლში იყოს ბარაქა, მშვიდობა, იღბალი და კეთილდღეობა",- წერს იოსელიანი.