ყველაფერს აყენებენ შეურაცხყოფას, იქნებიან ეს ქართული სპორტის თუ ხელოვნების წარმომადგენლები, ჩემი დიდი პატივისცემა ამ ქართველებს, ამ ღირსეულ ხალხს და მინდა, ხვიჩას მალე გამოჯანმრთელება ვუსურვო - გენო პატრიაშვილი

საპარლამენტო უმრავლესობის წევრი გენო პატრიაშვილი ხვიჩა კვარაცხელიას ტრავმის თემაზე სოციალურ ქსელში დამცინავ კომენტარებს აფასებს.

„მიზანმიმართულად ახდენენ ამ ძვირფასი ქართველის შეურაცხყოფას. საერთოდ, ტენდენციაა, ამ ადამიანების ხელწერაა, არც ვიცი, მაათ ადამიანები თუ უნდა ვუწოდო, მათთვის არ არსებობს არანაირი წმინდა, ქართული. ყველას აყენებენ შეურაცხყოფას, იქნებიან ეს ქართული სპორტის თუ ხელოვნების წარმომადგენლები, ღირსეული ადამიანები. მინდა, ამ ძვირფას ადამიანებს მივმართო, არ მიაქციონ მათ ყურადღება. ჩემი დიდი პატივისცემა ამ ქართველებს, ამ ღირსეულ ხალხს და მინდა, ხვიჩას მალე გამოჯანმრთელება ვუსურვო“, - განაცხადა გენო პეტრიაშვილმა.