ყველა დონეზე მაქსიმალურად მხარს ვუჭერთ უკრაინას, მის სუვერენიტეტს, დამოუკიდებლობას, ჩვენი საერთო სურვილია, ეს ომი დასრულდეს, რაც შეიძლება მალე - პრემიერი

ჩვენ მაქსიმალურად ყველა დონეზე მხარს უჭერთ უკრაინას, უკრაინის სუვერენიტეტს, მათ დამოუკიდებლობას, ამის შესახებ საქართველოს პრემიერ-მინისტრმა ირაკლი ღარიბაშვილმა, ევროპული სამეზობლო პოლიტიკისა და გაფართოების საკითხებში ევროკომისარ ოლივერ ვარჰეისთან ერთად გამართულ პრესკონფერენციაზე განაცხადა.

პრემიერის თქმით, საქართველომ ანალოგიური ომი 2008 წელს გამოიარა და მას შემდეგ გრძელდება ეს გამოწვევა.

„დღეს მსოფლიოში არის ძალიან დიდი გამოწვევა, უკრაინაში არის გამოწვევა ჩვენი რეგიონისთვის, ევროპისთვის. ჩვენ მაქსიმალურად, ყველა დონეზე მხარს ვუჭერთ უკრაინას, მის  სუვერენიტეტს, მათ დამოუკიდებლობას. ჩვენი საერთო სურვილია, რომ ეს ომი დასრულდეს, რაც შეიძლება მალე. ჩვენმა ქვეყანამ გამოიარა ანალოგიური ომი 2008 წელს სხვა მასშტაბით, მას შემდეგ გრძელდება ეს გამოწვევა ჩვენი ქვეყნისთვის, ჩვენი ხალხისთვის“, – განაცხადა ირაკლი ღარიბაშვილმა.