პრემიერ-მინისტრი

ვულოცავ უკრაინასა და მოლდოვას, ეს მართლაც ისტორიული დღეა საქართველოსთვის - ირაკლი ღარიბაშვილი ევროსაბჭოს გადაწყვეტილებას გამოეხმაურა

ეს მართლაც ისტორიული დღეა საქართველოსთვის - ევროპულმა საბჭომ საქართველოს ევროპული პერსპექტივა მიანიჭა გახდეს ევროკავშირის წევრი, - ასე გამოეხმაურა საქართველოს პრემიერ-მინისტრი, ირაკლი ღარიბაშვილი ევროსაბჭოს გადაწყვეტილებას.

პრემიერის ცნობით, ყველა პრიორიტეტი მოკლე ვადებში განხორციელდება, რომელიც წევრობის სტატუსს საქართველოს მოუტანს. 

„ეს მართლაც ისტორიული დღეა საქართველოსთვის. ევროპულმა საბჭომ საქართველოს ევროპული პერსპექტივა მიანიჭა გახდეს ევროკავშირის წევრი. ჩვენ მზად ვართ, განვახორციელოთ ყველა პრიორიტეტი, რათა მალე მივიღოთ კანდიდატის სტატუსი. ვულოცავ უკრაინასა და მოლდოვას“, - დაწერა საქართველოს პრემიერ-მინისტრმა.