"დაკავებები არის პროცესის ნაწილი, ვიღაცა თვალს დაკარგავს, ვიღაცა ერთი წელი ჩაჯდება" - მედიაში აქტივისტების ფარული ჩანაწერი ვრცელდება

სააგენტო for.ge-ს მიერ კიდევ ერთი ფარული ჩანაწერები ვრცელდება. ჩანაწერებში აქტივისტების - ნატა ფერაძისა და ლაშა ფირცხალაიშვილის საუბარი ისმის, რომლებიც სადაო კანონპროექტის, გამჭვირვალეობის შესახებ გასაპროტესტებელ საპროტესტო აქციებს გეგმავენ.

ნატა ფერაძე: საუკეთესო ობიექტი ჩვენი სტრატეგიით არის ვერის ბაღი და გეტყვით რატომ - ვერის ბაღიდან ნაწილს შეუძლია სანაპირო გადაკეტოს, ნაწილს შეუძლია გმირთა მოედანი გადაკეტოს, ნაწილს მელიქიშვილი და ვაკე...

ლაშა ფირცხალაიშვილი: დაკავებებიც არის პროცესის ნაწილი, რომელიც აუცილებელი არის, ჩემი აზრით, რომ მოხდეს. ვიღაცა თვალს დაკარგავს, ვიღაცა ერთი წელი ჩაჯდება, აგერ ლაზარე ციხეში, ვიღაცას დაიჭერენ.. და მოკლედ, ოქეი არის ეს ჩემთვის რა. მე ვეცდები, რომ ჩემი თავი პირადად არ დავაჭერინო.

მასალის ავთენტიკურობა დადგენილი არ არის.