უკრაინაში ზოგიერთ პოლიტიკოსს აქვს კონკრეტული მიზანი, რომ რუსეთის მიერ წარმოებულ ომს სხვა ფრონტიც ჰქონდეს - ირაკლი ქადაგიშვილი

„უკრაინის ზოგიერთ პოლიტიკოს აქვს კონკრეტული მიზანი, რომ რამენაირად რუსეთის მიერ წარმოებულ ომს სხვა ფრონტიც ჰქონდეს, რათა როგორც თავად თვლიან, მათი მდგომარეობა გაუმჯობესდეს და შემსუბუქდეს",- ამის შესახებ საპარლამენტო უმრავლესობის წევრმა ირაკლი ქადაგიშვილმა განაცხადა. 

"მათ “ნაციონალური მოძრაობა“ აძლევდა იმედს, რომ საქართველოში სიტუაციის იმდაგვარად მართვას მოახერხებდნენ, რომ მეორე ფრონტი საქართველოში გაიხსნებოდა. როგორც ჩანს, მათ ეს პოლიტიკური ხაზი დიდი ხნის განმავლობაში ჰქონდათ დამუშავებული და კონტაქტები ძალიან სინქრონში მუშაობენ ერთმანეთთან“, - განაცხადა ქადაგიშვილმა.