თორნიკე რიჟვაძე უნგრეთის ელჩს, ანა მარია შიკოს შეხვდა

აჭარის მთავრობის თავმჯდომარე თორნიკე რიჟვაძე უნგრეთის ელჩს, ანა მარია შიკოს შეხვდა.
შეხვედრაზე საუბარი შეეხო მიმდინარე პოლიტიკურ და ეკონომიკურ საკითხებს, - ამის შესახებ ინფორმაციას აჭარის მთავრობის ადმინისტრაცია ავრცელებს.

მათივე ინფორმაციით, აჭარის მთავრობის თავმჯდომარემ ელჩს რეგიონში არსებული ტურისტული მდგომარეობა გააცნო და აღნიშნა, რომ აჭარაში ტურიზმის მაჩვენებელი სრულად აღდგენილია. შეხვედრაზე ყურადღება გამახვილდა ორ ქვეყანას შორის უკანასკნელ პერიოდში ურთიერთობების გააქტიურების დადებით დინამიკაზე. დაიგეგმა თანამშრომლობა კულტურულ და გარემოს დაცვის სფეროებში.

თორნიკე რიჟვაძემ უნგრეთის მხარეს საქართველოს ევროატლანტიკურ სტრუქტურებში ინტეგრაციის გზაზე გამოხატული ურყევი მხარდაჭერისთვის მადლობა გადაუხადა.