თავდებობა მხოლოდ წინასწარი პატიმრობის პირობებში გამოიყენება, სააკაშვილი პატიმარია - მათიკაშვილი

"თავდებობა, მხოლოდ წინასწარი პატიმრობის პირობებში გამოიყენება, სააკაშვილი პატიმარია, შესაბამისად, ეს რესურსი, როგორც სამართლებრივი ბერკეტი, წარმოუდგენელი და აბსურდია, - ამის შესახებ საპარლამენტო უმრავლესობის წევრმა დავით მათიკაშვილმა განუცხადა.

„ვერ წარმომიდგენია, ვინ შეიძლება, სააკაშვილს თავდებად დაუდგეს. ალბათ, ასეთი ადამიანი არ უნდა არსებობდეს იმ გამოცდილებიდან გამომდინარე, რაც პატიმარმა სააკაშვილმა სრულიად საქართველოს დაანახა საკუთარი ქცევით“, - განაცხადა დავით მათიკაშვილმა „ქრონიკას“ .

„ნაციონალურ მოძრაობაში" ამბობენ, რომ მიხეილ სააკაშვილს თავდებში ჩაუდგებიან და ამ გზით, სააკაშვილის საზღვარგარეთ გადაყვანას შეეცდებიან.