შარლ მიშელი მზად არის, ყველა ეტაპზე დაეხმაროს და მხარდაჭერა აღმოუჩინოს ჩვენს ქვეყანას - ვახტანგ მახარობლიშვილი

შარლ მიშელი მზად არის, ყველა ეტაპზე დაეხმაროს და მხარდაჭერა აღმოუჩინოს ჩვენს ქვეყანას, როგორც რეფორმების განხორციელების პროცესში, ასევე ევროკავშირის შიგნით სხვა სახელმწიფოებთან ურთიერთობების კონტექსტში, - ამის შესახებ ევროკავშირში საქართველოს ელჩმა, ვახტანგ მახარობლიშვილმა ირაკლი ღარიბაშვილისა და შარლ მიშელის შეხვედრის შეფასებისას განაცხადა.

„მიმდინარე ეტაპზე, როდესაც ჩვენ ველოდებით ევროკომისიის შუალედურ ანგარიშს, ხოლო მოგვიანებით – ევროპული საბჭოს გადაწყვეტილებას, რომელსაც შარლ მიშელი ხელმძღვანელობს, მსგავსი ტიპის შეხვედრა უაღრესად დროული, საჭირო და მნიშვნელოვანი იყო“, – განაცხადა მახარობლიშვილმა.