1750017082
საქართველოს პარლამენტის თავმჯდომარე შალვა პაპუაშვილი გაერო-ში ბურუნდის რესპუბლიკის, ქუვეითის, ლესოტოსა და ნეპალის მუდმივ წარმომადგენლებს შეხვდა.
შეხვედრაზე ყურადღება გამახვილდა გაერო-ს წესდების, წესებზე დაფუძნებული საერთაშორისო წესრიგის დაცვის მნიშვნელობაზე.
ხაზი გაესვა იმ ფაქტს, რომ წელს აღინიშნება გაერო-ს დაარსების მე-80 წლისთავი. აღინიშნა გაერო-ს რეფორმირების მნიშვნელობა თანამედროვე მსოფლიოში არსებული ვითარების გათვალისწინებით.
საუბარი შეეხო საპარლამენტო დიპლომატიის როლს ქვეყნებს შორის ორმხრივი და მრავალმხრივი ურთიერთობების განვითარებაში.
მხარეებმა, აგრეთვე, ისაუბრეს საქართველოს ოკუპირებულ რეგიონებში არსებულ ვითარებაზე. გაერო-ში მუდმივმა წარმომადგენლებმა დადებითად შეაფასეს იძულებით გადაადგილებულ პირებთან დაკავშირებული საქართველოს პოლიტიკა. მათ, ასევე, ხაზი გაუსვეს წარმატებული რეფორმების განხორციელების კუთხით საქართველოს ღირებულ გამოცდილებას.
