საფრანგეთის ელჩი სახელმწიფო ინსპექტორის სამსახურის გაუქმების კანონპროექტთან დაკავშირებით შეშფოთებას გამოთქვამს

საფრანგეთის ელჩი საქართველოში, დიეგო კოლასი სახელმწიფო ინსპექტორის სამსახურის გაუქმებაზე პარლამენტში ინიცირებულ კანონპროექტთან დაკავშირებით შეშფოთებას გამოთქვამს.

მისი თქმით, ის სახელმწიფოს მოუწოდებს რეფორმები გატარდეს ფრთხილად, რათა თავიდან იქნას აცილებული გამყინავი ეფექტი თანამდებობის პირებზე

„ვიზიარებ შეშფოთებას სახელმწიფო ინსპექტორის სამსახურის რეფორმასთან დაკავშირებით. როდესაც საქმე ეხება დემოკრატიისათვის საკვანძო შეკავებისა და გაწონასწორების პრინციპს, ჩვენ მოვუწოდებთ, რეფორმები გატარდეს ფრთხილად, ფართო კონსულტაციებით, შესაბამისი გარდამავალი პერიოდით, რათა თავიდან იქნას აცილებული გამყინავი ეფექტი თანამდებობის პირებზე“, - წერს საფრანგეთის ელჩი Twitter-ზე.