რუსეთზე სანქციებს შედეგი საშუალო და გრძელვადიან პერსპექტივაში ექნება - ლიტვის პრემიერი

ლიტვის პრემიერმინისტრის, ინგრიდა სიმონიტეს თქმით, ევროკავშირის მიერ რუსეთზე დაწესებულ სანქციებს შედეგი საშუალო და გრძელვადიან პერსპექტივაში ექნება, რაც ევროკავშირისგან მოთმინებას მოითხოვს. ამის შესახებ უცხოური მედია წერს. 

„ჩემი გზავნილი შემდეგია – საჭიროა, მოთმინება გამოვიჩინოთ. რადგან არ არსებობს სანქციები, რომლებიც რუსეთს [ომიდან] ერთ ღამეში გამოთიშავს. ეს შეუძლებელია, არ უნდა გვქონდეს ამის მოლოდინი". – თქვა ლიტვის პრემიერმინისტრმა.

მისივე თქმით, NATO-ს წევრი ქვეყნების შეთანხმებით, უკრაინაზე ზეწოლა მოლაპარაკებებთან დაკავშირებით არ უნდა მოხდეს. ამასთან, NATO-მ აღმოსავლეთ წევრი ქვეყნები და უკრაინა საჰაერო თავდაცვით უნდა უზრუნველყოს.

სიმონიტეს ინფორმაციით, აუცილებელია, უკრაინას საჰაერო თავდაცვის გამართული სისტემა ჰქონდეს, რათა მსგავსი შემთხვევები აღარ განმეორდეს. ამიტომ NATO-მ უკრაინა გამართული საჰაერო თავდაცვის სისტემით უნდა უზრუნველყოს.

ლიტვა მომავალ წელს NATO-ს სამიტს უმასპინძლებს. სიმონიტეს მოლოდინით, სამიტზე დომინანტი როლი უკრაინას ექნება, ხოლო შვედეთისა და ფინეთის გადაწყვეტილებით, ისინი დასავლეთის თავდაცვის ალიანსს შეუერთდებიან.