შლოცი

„რუსეთის უკრაინაში შეჭრამ კიდევ ერთხელ დაგვანახვა, რამდენად მნიშვნელოვანია საერთაშორისო თანამეგობრობის ერთიანობა“ - ოლაფ შოლცი

რუსეთს, უკრაინიდან ჯარების გაყვანისკენ კიდევ ერთხელ მოუწოდა გერმანიამ. კანცლერის განცხადებით, რუსეთმა დაუყოვნებლივ უნდა დაასრულოს ეს სასტიკი ომი. 

კანცლერმა თქვა, რომ მხარს უჭერს ორი ქვეყნის ჩრდილო ატლანტიკურ ალიანსში გაწევრიანებას.

„რუსეთის უკრაინაში შეჭრამ კიდევ ერთხელ გვანახა, თუ რამდენად მნიშვნელოვანია საერთაშორისო თანამეგობრობის ერთიანობა - პუტინი ამას არ ელოდა. ჩვენ ვეთანხმებით, რომ რუსეთმა დაუყოვნებლივ უნდა დაასრულოს ეს სასტიკი ომი, გაიყვანოს თავისი ჯარები და დათანხმდეს უკრაინას მოლაპარაკებების გამართვაზე, რათა კონფლიქტი გადაიჭრას.

ახლა ფინეთისა და შვედეთის მთავრობები ნატოში გაწევრიანებაზე განაცხადის გაკეთებას აპირებენ. ეს თავდაცვის ალიანსისა და ევროპისთვის ისტორიული მომენტია. ეს არის ორი ქვეყნის რეაგირება უკრაინის წინააღმდეგ რუსეთის აგრესიასა და ამის შედეგად ევროპაში დრამატულად შეცვლილ უსაფრთხოების ვითარებაზე. ფინეთისა და შვედეთის გაწევრიანებით ჩვენ ალიანსში გვეყოლება ორი ღირებული მოკავშირე, რომლებიც ნატოს თავდაცვისუნარიანობას კიდევ უფრო გააძლიერებენ", - ამბობს ოლაფ შოლცი.