1725743393
რატომ ვერ ხედავთ რიყეზე თქვენს წინ დალაგებულ ქვებს? - საქართველოს განვითარება უპირველეს ყოვლისა დამოკიდებულია ქართველ ხალხზე და საქართველოს ხელისუფლებაზე - შალვა პაპუაშვილი ჟურნალისტს
![შალვა პაპუაშვილი შალვა პაპუაშვილი](https://primetime.ge/uploads/files/2024/07/26/93883/shalva-papuashvili_w_h.jpeg)
რატომ ვერ ხედავთ თქვენ იმ ქვებს რიყეზე, რომელიც თქვენს წინ ალაგია? - ასე უპასუხა პარლამენტის თავმჯდომარე შალვა პაპუაშვილმა ჟურნალისტის, რომელმაც ის ცრუ ინფორმაციის გავრცელებაში დაადანაშაულა. კერძოდ, ჟურნალისტის თქმით, საფრანგეთის საელჩომ გამოაქვეყნა მონაცემები, რომლის თანახმად საფრანგეთისგან საქართველოს 2012 წლის შემდეგ 915 მლნ ევრო ფინანსური დახმარება აქვს მიღებული, რაც მმართველი გუნდის წარმომადგენლების განცხადებებს ეწინააღმდეგება.
„სინამდვილეში საფრანგეთის ელჩიც და მეც, სიმართლეს ვამბობთ შუაში კი რატომღაც მედია ჩადექით, რომელიც ცდილობთ, რომ ხან მისი სიტყვები და ხან ჩემი სიტყვები შეცვალოთ. ერთხელ და სამუდამოდ რომ გავერკვეთ: საქართველოს განვითარება უპირველეს ყოვლისა დამოკიდებულია ქართველ ხალხზე და საქართველოს ხელისუფლებაზე. ჩვენი ბიუჯეტი შემდგარია ქართველი გადასახადების გადამხდელთა მიერ. არავისი ვალი ჩვენი ქვეყნის განვითარებაში ჩვენ არ გვაქვს, რადგან უპირველეს ყოვლისა ქართველი ხალხი ქმნის ამ დოვლათს. ამ დოვლათის შექმნაში ხანდახან ჩვენ გვჭირდება დამატებითი რესურსები, ისევე როგორც თქვენ შეიძლება სესხით გქონდეთ ნაყიდი მანქანა, ბინა, ან ტელეფონი. ამ ფინანსურ რესურსებს ჩვენი ახლობლები ხანდახან გვჩუქნიან, ხან ვიღაცა სესხად გვაძლევს. ეს არის შედეგი თანამშრომლობის. სესხი საფრანგეთის შემთხვევაში იმ [მოცემული] თანხის 95%-ია. სესხი არის ის ფინანსური რესურსი, რომელიც სახელმწიფოს სჭირდება, ეს ხან ფრანგულია, ხან აზიურია და ეს არ არის დახმარება იმ მხრივ, რომ თითქოს ეს ფული ქვეყნისთვის ნაჩუქარია“, - აღნიშნა პაპუაშვილმა.