რასაკვირველია, იქნება მცდელობა, რომ რაღაც პროცესი შეაჩერონ, მათ შორის პრეზიდენტის არჩევნები - გია ვოლსკი

რასაკვირველია, იქნება მცდელობა, რომ რაღაც პროცესი შეაჩერონ, მათ შორის პრეზიდენტის არჩევნები, - განაცხადა საქართველოს პარლამენტის პირველმა ვიცე-სპიკერმა გია ვოლსკიმ ოპოზიციის მხრიდან პრეზიდენტის არჩევნების ჩაშლის შესაძლო მცდელობის შესახებ საუბრისას.

„რასაკვირველია, იქნება მცდელობა, რომ რაღაც პროცესი შეაჩერონ, მათ შორის პრეზიდენტის არჩევნები, რომელიც ახალი სისტემით ტარდება, იმოქმედონ იმ განწყობით, წარმოდგენებით და აღქმებით, რომელიც შეიძლება, სულაც არ შეესაბამება რეალობას. ვინაიდან კანდიდატი არის ღირსეული და მისი ღირსეული მოქმედებები იქნება ძალიან აშკარა, ყველასთვის მისაღები და მოსაწონი. ამ რეალობას ნამდვილად შევქმნით და მათ შორის, პრეზიდენტსაც, თუნდაც, სიმბოლური როლი ექნება“, - განაცხადა ვოლსკიმ.

ახალ პრეზიდენტს ამერიკული მოდელით დაკომპლექტებული, 300 წევრისგან შემდგარი კოლეგია 14 დეკემბერს აირჩევს.

მმართველ პარტიაში რადიკალური ოპოზიციისგან მოსალოდნელ პროვოკაციებთან დაკავშირებით საუბრობენ, თუმცა, აღნიშნავენ, რომ ოპონენტებს ამ პროცესის ჩაშლის საშუალება არ ექნებათ და პრეზიდენტის არჩევის პროცესი მაინც შედგება.