პრემიერის ინტერვიუს შემდეგ არ წყდება ფეიკ ნიუსების გავრცელება, კონტექსტიდან ამოგლეჯილი ფრაზებით მანიპულირება. განსაკუთრებით დეზინფორმაცია ვრცელდება ახალგაზრდებში - ნინო გიორგობიანი

მთავრობის ადმინისტრაციის სტრატეგიული კომუნიკაციების დეპარტამენტის უფროსი ნინო გიორგობიანი ირაკლი ღარიბაშვილის გუშინდელ ინტერვიუს ეხმიანება და აღნიშნავს, რომ პრემიერის გუშინდელი ინტერვიუს შემდეგ არ წყდება ფეიკ ნიუსების გავრცელება, კონტექსტიდან ამოგლეჯილი ფრაზებით მანიპულირება. 

მისივე თქმით, განსაკუთრებით, დეზინფორმაციის გავრცელება ხდება ახალგაზრდებში.

„პრემიერის გუშინდელი ინტერვიუს შემდეგ არ წყდება ფეიკ ნიუსების გავრცელება, კონტექსტიდან ამოგლეჯილი ფრაზებით მანიპულირება. განსაკუთრებით, დეზინფორმაციის გავრცელება ხდება ახალგაზრდებში. კიდევ ერთხელ შეგახსენებთ სტუდენტებთან მიმართებაში გაკეთებულ მის განცხადებას: 

„გარდა ამ დესტრუქციული, ანარქისტული მოძრაობის წევრებისა იქ ძალიან ბევრი გულანთებული მოსწავლეც იყო, ბევრი სტუდენტიც იყო მაგრამ არა ასეთი აგრესიული, მშვიდად იდგნენ აპროტესტებდნენ, უბრლაოდ მხარს უჭერდნენ ევროპის იდეას. მაგრამ მე არ მინდა და არ მსურს, მე მინდა კიდევ ერთხელ დავაფიქსირო ჩემი პოზიცია, რომ ეს ადამიანები, ჩვენი თანამოქალაქეები, ჩვენი შვილები, ჩვენი დები და ძმები არ უნდა იყვნენ ამ დიდ შეთქმულებაში ნებით თუ უნებლიეთ ჩართულნი.“
ეს არის ნათელი მაგალითი იმისა, თუ როგორ ცდილობენ შეიყვანონ შეცდომაში ახალგაზრდები. ამას გარდა გუშინდელი ინტერვიუდან კიდევ ბევრი ფეიკი გავრცელდა, რომლის მიზანი ისევ და ისევ არის საზოგადოების შეცდომაში შეყვანა საკუთარი პოლიტიკური მიზნებისთვის“,- წერს ნინო გიორგობიანი.