პარლამენტში დღეს ფინანსთა მინისტრს მოუსმენენ

დღეს „მინისტრის საათის“ ფორმატში პარლამენტის წინაშე ფინანსთა მინისტრი წარდგება. ლაშა ხუციშვილი დეპუტატებს უწყების მიერ გაწეული საქმიანობის წლიურ ანგარიშს წარუდგენს.

„ქართულ ოცნებაში“ ამბობენ, რომ მინისტრი და მთელი სამინისტრო, ღირსეულად უძღვება საერთაშორისო სტანდარტებით ბიუჯეტის დაგეგმვასა და მის შესრულებას - ამის დასტური კი, სახელმწიფო ბიუჯეტია, რომელიც მსოფლიოში ერთ-ერთ ყველაზე ღიად და გამჭვირვალედაა აღიარებული.

მმართველი პარტიის წევრები მინისტრს ინფლაციასა და ეკონომიკურ ზრდაზე დაუსვამენ შეკითხვებს.