პარლამენტმა უზენაესი სასამართლოს მოსამართლეებად ლევან ნემსაძე და მიხეილ ჯინჯოლია აირჩია

პარლამენტმა იუსტიციის უმაღლესი საბჭოს მიერ საკანონმდებლო ორგანოსთვის წარდგენილი უზენაესი სასამართლოს მოსამართლეობის კანდიდატები, ლევან ნემსაძე და მიხეილ ჯინჯოლია 82 ხმით, ერთხმად აირჩია.

ვინაიდან ლევან ნემსაძე არ არის მოქმედი მოსამართლე, კანონმდებლობის შესაბამისად, მან პარლამენტში საზეიმოდ დადო ფიცი.

პარლამენტის თავმჯდომარე შალვა პაპუაშვილმა წარმოდგენილ კანდიდატებს უზენაესი სასამართლოს მოსამართლეებად არჩევა მიულოცა და წარმატებული საქმიანობა უსურვა.