„ოპოზიციის კონსოლიდაცია არ ესახებათ ქალბატონი სალომეს ლიდერობის ქვეშ, თუმცა, ამ გადაწყვეტილების მისაღებად, დიდი დრო დასჭირდათ" - ვახტანგ ჩოჩია "გირჩი - მეტი თავისუფლებაში" მომხდარ ცვლილებებზე

პარტიაში "გირჩი - მეტი თავისუფლება" ცვლილებებს ეხმაურებიან "ქართულ ოცნებაში". საპარლამენტო უმრავლესობის გაცხადებით, პარტიიდან წასვლის გადაწყვეტილების მისაღებად, მათ დიდი დრო დასჭირდათ, მაგრამ ეს კიდევ ერთი დასტურია იმისა, რომ სალომე ზურაბიშვილის პოსტიდან გადადგომის შემდეგ მისი ფუნქცია ქართულ პოლიტიკაში ნომინალურია.

"ჩვენ ვიხილეთ სამკაციანი, რადიკალური ოპოზიციური პარტიის მიერ განცხადება. ოპოზიციის კონსოლიდაცია არ ესახებათ ქალბატონი სალომეს ლიდერობის ქვეშ, თუმცა, მათ ამ გადაწყვეტილების მისაღებად დიდი დრო დასჭირდათ. როდესაც ქალბატონმა სალომემ დატოვა ის პოზიცია, რომელსაც იგი იკავებდა, მას შეუჩერდა ის გავლენები, რომელიც მას ჰქონდა ერთი მხრივ, ქართულ საზოგადოებაზე და, ხოლო, მეორე მხრივ კი, ჩვენს უცხოელ პარტნიორებზე ის ვეღარ ახერხებს შეცდომაში შეიყვანოს ჩვენი უცხოელი პარტნიორები, მისი ფუნქცია დღეს ქართულ პოლიტიკაში დაუიდენტიფიცირებელია, შესაბამისად, მისი გავლენაც ნულს მიღმა არის," - აღნიშნა საპარლამენტო უმრავლესობის ლიდერის კაბინეტის უფროსმა, ვახტანგ ჩოჩიამ.

ცნობისთვის, ცოტნე კობერიძემ, ბორის ჩელე ყურუამ და ბადრი გრიგალაშვილმა პარტია "გირჩი - მეტი თავისუფლება" დატოვეს. კობერიძის განმარტებით, მოცემული კოორდინაციით, მნიშვნელობანი ცვლილებები ვერ მოხდება. საკუთარ გადაწყვეტილებას განმარტავს სოციალურ ქსელში ბორის ჩელე ყურუაც, მისი თქმით, პროცესს სასიცოცხლოდ სჭირდება შეცდომების გააზრება და მათ გამოსწორებაზე ზრუნვა.

თანაგუნდელების გადაწყვეტილებას სოციალური ქსელით გამოეხმაურა ზურა გირჩი ჯაფარიძეც, რომელმაც ყოფილ თანაპარტიელებს თანამშრომლობისთვის მადლობა გადაუხადა.