ოლაფ შოლცთან ევროკავშირში გაწევრიანების პროცესში საქართველოს პროგრესზე და ქვეყნებს შორის კარგი პარტნიორობის შემდგომი გაძლიერების საჭიროებაზე ვისაუბრეთ - პრემიერი

ოლაფ შოლცთან შეხვედრაზე ევროკავშირში გაწევრიანების პროცესში საქართველოს მიერ მიღწეულ პროგრესზე და ქვეყნებს შორის არსებული კარგი პარტნიორობის შემდგომი გაძლიერების საჭიროებაზე ვისაუბრეთ, – ამის შესახებ საქართველოს პრემიერ-მინისტრი ირაკლი ღარიბაშვილი გერმანიის ფედერაციულ კანცლერთან ოლაფ შოლცთან შეხვედრის შემდეგ სოციალურ ქსელ „ტვიტერში“ წერს.

მთავრობის მეთაური ევროკავშირში ინტეგრაციის გზაზე საქართველოს მტკიცე მხარდაჭერისთვის გერმანიის ფედერაციულ რესპუბლიკას მადლობას უხდის.

„ძალიან კარგი შეხვედრა მქონდა გერმანიის ფედერაციული რესპუბლიკის კანცლერ ოლაფ შოლცთან. საუბარი შეეხო ევროკავშირში გაწევრიანების პროცესში საქართველოს მიერ მიღწეულ პროგრესს და ჩვენს ქვეყნებს შორის არსებული ძალიან კარგი პარტნიორობის შემდგომი გაძლიერების საჭიროებას. ევროკავშირში ინტეგრაციის გზაზე საქართველოს მტკიცე მხარდაჭერისთვის მადლობას ვუხდით გერმანიის ფედერაციულ რესპუბლიკას. მიგვაჩნია, რომ ეს ურთიერთობა განმტკიცდება იმ მნიშვნელოვანი პროგრესის გამო, რომელსაც საქართველომ უკვე მიაღწია”,- აღნიშნავს პრემიერ-მინისტრი.

ბერლინში ირაკლი ღარიბაშვილისა და ოლაფ შოლცის შეხვედრა დღეს გაიმართა.

Great talks w/@Bundeskanzler on 🇬🇪's EU accession progress and the need to further strengthen excellent 🇬🇪-🇩🇪 partnership. We are grateful for 🇩🇪's firm support on our 🇪🇺 integration path. We believe it will be solidified given the significant progress 🇬🇪 has already achieved. pic.twitter.com/BB1YmuW3jP

— Irakli Garibashvili (@GharibashviliGe) June 9, 2023