ნიდერლანდების პრემიერი აცხადებს, რომ ევროპული პოლიტიკური თანამეგობრობის სამიტის დღის წესრიგის ერთ-ერთი მთავარი თემა ევროკავშირის გაფართოება იქნება

ნიდერლანდების პრემიერ-მინისტრის მარკ რუტეს განცხადებით, ევროკავშირის მიერ ინიცირებული ევროპული პოლიტიკური თანამეგობრობის სამიტზე დღის წესრიგის ერთ-ერთი მთავარი თემა ევროკავშირის გაფართოების საკითხი იქნება.

მისივე თქმით, ასევე დღის წესრიგშია უკრაინა და ევროპის უსაფრთხოება.

„ქვეყნები, რომლებსაც სურთ ევროკავშირში გაწევრიანება, შესაძლოა, ფიქრობდნენ, რომ ეს ალტერნატიული ვარიანტია, მაგრამ ეს ასე არ არის. ეს არის პლატფორმა და ბაზა, რომელზეც დღეს უნდა ვიმსჯელოთ ევროკავშირის ლიდერებთან, რაც დღის წესრიგის ერთ-ერთი მთავარი თემაა. ასევე დღის წესრიგშია უკრაინა, ევროპის უსაფრთხოება“, – განაცხადა მარკ რუტემ.

ცნობისთვის, ევროკავშირის მიერ ინიცირებული ევროპული პოლიტიკური თანამეგობრობის პირველი სამიტი დღეს გაიხსნა. სამიტში მონაწილეობს საქართველოს პრემიერ-მინისტრი ირაკლი ღარიბაშვილი.