მინერალური რესურსების ეროვნული სააგენტოს წარმომადგენლები კრიტიკული მინერალების ცირკულარული ეკონომიკის საკითხებზე კორეაში გამართულ საერთაშორისო პროგრამაში მონაწილეობდნენ

ათენში მომხდარი აფეთქების შედეგად დაღუპულთა რიცხვი სამამდე გაიზარდა, ნაწილობრივ ჩამოინგრა ორსართულიანი შენობაც. ინფორმაციას მომხდარის შესახებ ბერძნული მედია ავრცელებს.

მედიის ცნობით, აკროპოლისის მიმდებარე ტერიტორიაზე შემთხვევა ადგილობრივი დროით 07:30 წუთზე მოხდა. აფეთქების შედეგად ადგილზე ხანძარი გაჩნდა.

ადგილზე  მეხანძრე-მაშველები, პოლიცია და სასწრაფო დახმარების მანქანები მივიდნენ.

როგორც ცნობილია, შემთხვევის ადგილზე ნანგრევებიდან ორი ქალი ამოიყვანეს. მათ სიცოცხლისთვის საშიში დაზიანებები ამ დროისთვის არ აღენიშნებათ.

მედიის ცნობით, ადგილზე 24 მეხანძრე იყო მობილიზებული. ამ დროისთვის უცნობია, თუ რამ გამოიწვია აფეთქება. როგორც ადგილობრივი მედია წერს, აფეთქების მიზეზი, შესაძლოა, გაზის გაჟონვა იყოს.