1770671781
საგარეო საქმეთა მინისტრი მაკა ბოჭორიშვილი ბუდაპეშტის გლობალურ დიალოგში მიიღებს მონაწილეობას. საერთაშორისო პლატფორმას მსოფლიოს ლიდერები უსაფრთხოებასთან დაკავშირებული საკითხების განსახილველად გამოიყენებენ. ღონისძიების ფარგლებში აღინიშნება მშვიდობის მნიშვნელობა დღევანდელ გეოპოლიტიკურ ვითარებაში.
მაკა ბოჭორიშვილი უკვე შეხვდა უნგრეთის საგარეო საქმეთა და ვაჭრობის მინისტრ პიტერ სიიარტოს. შეხვედრა შედგა პარლამენტის სპიკერთანაც, მხარეებმა საპარლამენტო დონეზე ურთიერთობების განვითარებაზე იმსჯელეს.
