„სოფლის ნობათი“ განცხადებას ავრცელებს
1743706645
ლევან მახაშვილი ანა წითლიძის განცხადებაზე: პრაქტიკულად, ვეხვეწებოდით და ლამის, მთელი მსოფლიო ეხვეწებოდა, რომ მტკიცებულებები წარმოედგინათ. ამის ნაცვლად იყო ისევ რაღაც ცარიელი განცხადებები, ბრტყელ-ბრტყელი ფრაზები
ევროპასთან ინტეგრაციის საპარლამენტო კომიტეტის თავმჯდომარე ლევან მახაშვილი „ნაციონალური მოძრაობის“ წევრის, ანა წითლიძის მიერ პარტია „გირჩის“ „იუთუბ“ არხზე, გადაცემაში გაკეთებულ განცხადებას გამოეხმაურა, რომელიც პარლამენტის არჩევნების შედეგებს ეხებოდა.
„პრაქტიკულად, ვეხვეწებოდით და ლამის, მთელი მსოფლიო ეხვეწებოდა, რომ მტკიცებულებები წარმოედგინათ. ამის ნაცვლად იყო ისევ რაღაც ცარიელი განცხადებები, ბრტყელ-ბრტყელი ფრაზები ეს მოხდა, ის მოხდა, მაგრამ კონკრეტულად არაფერი!
ახლა წითლიძე იქნება თუ სხვა ადამიანი იქნება, ახლა ამას ჩვენთვის არანაირი მნიშვნელობა არ აქვს. თუ ეს მათთვის არის რაიმე ტიპის მნიშვნელოვანი, რომ ფსიქოლოგიურად შეეგუონ იმ მარცხს, რაც თავის დროზე ჰქონდათ და ამით ერთგვარად ლეგიტიმაცია მისცეს მათ შემდგომ პოლიტიკურ სივრცეში კვლავ შემოსვლას, ეს მათი გადასაწყვეტია“, - განაცხადა მახაშვილმა.
„ნაციონალური მოძრაობის“ წევრმა, ანა წითლიძემ პარტია „გირჩის“ „იუთუბ“ არხზე, გადაცემაში „თავისუფალი ბაზარი“ 2024 წლის საპარლამენტო არჩევნებთან დაკავშირებით ისაუბრა და განაცხადა, რომ ოპოზიციური პარტიების მხრიდან არ არის ანალიზი გაკეთებული, თუ რეალურად რა მოხდა არჩევნებზე.
