ხელმოცარული პარტიისა და მათი ბელადის, მიხეილ სააკაშვილის აუსრულებელი ოცნებაა, ქვეყანა წაიყვანონ დესტრუქციის გზით - მათიკაშვილი

"ეს გახლავთ ხელმოცარული პარტიისა და მათი ბელადის, მიხეილ სააკაშვილის აუსრულებელი ოცნება, ქვეყანა წაიყვანონ დესტრუქციის გზით, აქ მოაწყონ ქაოსი, დაძაბულობა და ქვეყანა არიონ", - ამის შესახებ საპარლამენტო უმრავლესობის წევრმა დავით მათიკაშვილმა განაცხადა.

„ისევე როგორც „ნაციონალური მოძრაობის“ პოლიტიკური მიზნები ფიასკოთი სრულდებოდა, ამ შეუსრულებელ მისიასაც ფიასკო ელოდება“, - აღნიშნა მათიკაშვილმა.

„ნაციონალური მოძრაობის" წევრმა ლევან ხაბეიშვილმა განაცხადა, რომ 20 აპრილს საქართველოს ყოფილი პრეზიდენტი მიხეილ სააკაშვილი სასამართლო პროცესზე ვადამდელი არჩევნების გეგმასთან დაკავშირებით ისაუბრებს.