ირაკლი ქადაგიშვილი ივანიშვილისა და მაკრონის სატელეფონო საუბარზე: მაკრონის პირით მოხდა იმ რეალობის აღიარება, რომ ქვეყანას სჭირდება რეალურად დამშვიდება და ამ აქციებიდან პოლიტიკურ პროცესში გადასვლა

საპარლამენტო უმრავლესობის წევრი ირაკლი ქადაგიშვილი „ქართული ოცნების“ საპატიო თავმჯდომარის ბიძინა ივანიშვილისა და საფრანგეთის პრეზიდენტის, ემანუელ მაკრონის სატელეფონო საუბარს აფასებს.

„ფაქტობრივად, მაკრონის პირით მოხდა იმ რეალობის აღიარება, რომ ქვეყანას სჭირდება რეალურად დამშვიდება და ამ აქციებიდან პოლიტიკურ პროცესში გადასვლა. ამას თუ მოახერხებს ოპოზიცია,, რომ დაუბრუნდეს პოლიტიკურ პროცესს, არჩევნების შედეგები მიიღოს და თავისი ამომრჩევლის განაწესი აღასრულოს, ძალიან კარგი იქნება“, - განაცხადა ირაკლი ქადაგიშვილმა.

„ქართული ოცნების“ საპატიო თავმჯდომარეს, ბიძინა ივანიშვილსა და ემანუელ მაკრონს შორის სატელეფონო საუბარი 11 დეკემბერს შედგა.