ირაკლი ღარიბაშვილმა უზბეკეთში მრავალფუნქციური ყინულის კომპლექსი დაათვალიერა და დეტალებზე ინფორმაცია მიიღო

პრემიერ-მინისტრი ირაკლი ღარიბაშვილი უბეკეთის რესპუბლიკაში ვიზიტის ფარგლებში, დელეგაციასთან ერთად მრავალფუნქციურ ყინულის კომპლექს Humo Arena-ზე იმყოფებოდა.

მთავრობის მეთაურს ყინულის კომპლექსის შესახებ ინფორმაცია უზბეკეთის რესპუბლიკის პრემიერ-მინისტრმა აბდულა არიპოვმა მიაწოდა. 

მრავალფუნქციური ყინულის კომპლექსი Humo Arena 8.77 ჰა მიწის ფართობზეა განთავსებული და 12 500 ადამიანზეა გათვლილი.

არენა ტაშკენტში ოფიციალური ღონისძიებების, კონკურსების, გამოფენებისა და კონცერტების გასამართად არის განკუთვნილი და აგებულია "ტრანსფორმერის" პრინციპით, რაც შესაძლებელს ხდის, ტერიტორია ძალიან მოკლე დროში სხვადასხვა ტიპის ღონისძიების გასამართად მოეწყოს.

ირაკლი ღარიბაშვილი დელეგაციასთან ერთად ტაშკენტის მერიაშიც იმყოფებოდა, სადაც სიტუაციური ცენტრი დაათვალიერა.