იაგო ხვიჩია სააკაშვილზე: „ქართულ ოცნებასთან“ ერთად უნდათ მთავრობაში ყოფნა, კარგი იდეაა, წარმატებას ვუსურვებ

"ქართულ ოცნებასთან“ ერთად უნდათ მთავრობაში ყოფნა, როგორც მე მივხვდი. კარგი იდეაა. წარმატებას ვუსურვებ, - ასე აფასებს პარტია „გირჩის“ ლიდერი იაგო ხვიჩია მსჯავრდებული ექსპრეზიდენტის, მიხეილ სააკაშვილის ინიციატივას ეროვნული თანხმობის მთავრობის ჩამოყალიბების შესახებ.

„ოპოზიციის ადგილს ჩვენ დავიკავებთ და იქნებ ოპოზიციის მხარეს მაინც გამოჩნდეს რაიმე ნათელი სხივი. თუ იმას ამბობენ, რომ „ქართულ ოცნებასთან“ ერთად მოვლენ ხელისუფლებაში და მერე დაამხობენ „ქართულ ოცნებას“, შეიძლება ილუზია სწორი სიტყვა არ არის დასახასიათებლად, მაგრამ რაღაც უცნაურობასთან ნამდვილად გვაქვს საქმე“, - განაცხადა იაგო ხვიჩიამ.

მიხეილ სააკაშვილი ოპოზიციას ქუჩის აქციებისკენ მოუწოდებს.