"გვირჩევნია, ბევრი ვაკეთოთ და ნაკლები ვილაპარაკოთ" - ლევან დავითაშვილი უკრაინელი დევნილების დახმარებაზე

„ჩვენ გვინდა მაქსიმალურად ხელი შევუწყოთ და არა მხოლოდ თავშესაფარი მივცეთ ამ ადამიანებს, არამედ ნორმალური, ღირსეული პირობები შევქმნათ, იმგვარი მაინც, რაც ჩვენს ქვეყანას სოციალური დაცვის კუთხით შეუძლია. იცით, რომ საქართველო არ არის ყველაზე მდიდარი ქვეყანა",- განაცხადა  ვიცე-პრემიერმა, ეკონომიკის მინისტრმა ლევან დავითაშვილმა საქართველოში მყოფ უკრაინელ მოქალაქეებთან დაკავშირებით. 

"ბევრი ადგილობრივი გამოწვევაც გვაქვს, მაგრამ რაც შეგვიძლია, ამას ნამდვილად გავაკეთებთ უშუალოდ დევნილ მოსახლეობასთან მიმართებაში. ასევე ძალიან ბერი მხარდამჭერი ღონისძიებაა, რომელსაც ქვეყანა აკეთებს სხვადასხვა უწყების მეშვეობით. ჩვენ გვირჩევნია ბევრი ვაკეთოთ და ნაკლები ვილაპარაკოთ ამ თემასთან დაკავშირებით“, - აღნიშნა დავითაშვილმა.