გერმანიაში სალომე ზურაბიშვილის სამუშაო ვიზიტი დაიწყო

საქართველოს პრეზიდენტის, სალომე ზურაბიშვილის სამუშაო ვიზიტი გერმანიის ფედერაციულ რესპუბლიკაში დაიწყო.

პრეზიდენტის ადმინისტრაციის ინფორმაციით, საქართველოს პრეზიდენტის დახვედრის ცერემონია ბერლინ-ბრანდერბურგის საერთაშორისო აეროპორტში საპატიო ყარაულის თანხლებით გაიმართა.

დღესვე, საქართველოს პრეზიდენტი სამუშაო ვიზიტის ფარგლებში, გერმანიის ფედერაციული რესპუბლიკის პრეზიდენტთან, ფრანკ-ვალტერ შტაინმაიერთან შეხვედრას გამართავს, როგორც პირისპირ ასევე, გაფართოებულ ფორმატში.