ეს იქნებოდა 10 %-იანი ვარდნა, რაც ნიშნავს ხალხის გაღარიბებას - შალვა პაპუაშვილი რუსეთთან ორმხრივი სანქციების დაწესებაზე

სულ ახლახან დათვალეს რა გავლენა ექნებოდა ორმხრივ სანქციებს რუსეთთან და ეს იქნებოდა 10 %-იანი ვარდნა, რაც ნიშნავს ხალხის გაღარიბებას - ამის შესახებ პარლამენტის თავმჯდომარემ, შალვა პაპუაშვილმა გადაცემაში ,,ვახო ხუზმიაშვილის თავისუფალ სივრცეში" განაცხადა. 

"მოგვიწოდებდნენ ზოგიერთი შიგნით და გარედანაც, რომ ჩაგვეკეტა საზღვარი. არ ჩაკეტილა საზღვარი. ეს არის ჩვენი დამოკიდებულება, ზოგადად პოლიტიკა ამ საკითხის მიმართ. ჰ მოგვიწოდებდნენ საზღვრის ჩაკეტვასა და სანქციების დაწესებაზე. სულ ახლახან დათვალეს რა გავლენა ექნებოდა ორმხრივ სანქციებს რუსეთთან და ეს იქნებოდა 10 %-იანი ვარდნა, რაც ნიშნავს ხალხის გაღარიბებას. რუსეთისთვის კი ეს იქნებოდა მინიმალური დანაკლისი " - განაცხადა პაპუაშვილმა.