დავით მათიკაშვილი: ევროპარლამენტიდან უსამართლო რეზოლუციები, ბრალდებები არაერთხელ მივიღეთ, რაც კრიტიკას ვერ უძლებს, ანალოგიურად შეგვიძლია, მათი ვიზიტიც შევაფასოთ, უსაფუძვლო კრიტიკას ვერ მივიღებთ

სამწუხაროდ, ევროპარლამენტიდან უსამართლო რეზოლუციები და ბრალდებები არაერთხელ მივიღეთ, რაც ვერანაირ კრიტიკას ვერ უძლებს. ანალოგიურად შეგვიძლია, ევროპარლამენტარების დღევანდელი ვიზიტიც შევაფასოთ, – ამის შესახებ საქართველოს პარლამენტის საპროცედურო საკითხთა კომიტეტის თავმჯდომარე დავით მათიკაშვილმა საქართველოს პირველ არხს განუცხადა.

მათიკაშვილის თქმით, „უსაფუძვლო კრიტიკას ვერ მივიღებთ, რაც რეალობას არ შეესაბამება“.

„ჩვენი ქვეყნის მეგობრები ქვეყანასთან და ხალხთან მეგობრობენ და ხვდებიან, რომ ჩვენი მიზანი ქვეყნის განვითარებაა ევროპული ინტეგრაციის გზით. სააკაშვილის გათავისუფლება და იმ დღის წესრიგის დადგება, რაც ოპოზიციას სჭირდება, ქართველი ხალხის ინტერესებში არ იქნება“, – განაცხადა დავით მათიკაშვილმა.