ჩვენ ევროპას ვჭირდებით ჩვენი ხასიათით, იდენტობით, ეკონომიკურად ძლიერი ქვეყანა. თუ მართლა გვინდა ევროპაში თავი დავიმკვიდროთ, ჩვენ უნდა ვიყოთ წელში გამართულები - მდინარაძე

როცა მეოთხედ გირჩევს შენი ამომრჩეველი, ეს ნიშნავს რომ უფრო მაგრად გენდობა, - განაცხადა „ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა, მამუკა მდინარაძემ.

„სწორი სვლა, ეს არის ძალიან მნიშვნელოვანი. სწორი სვლა სათქმელად ადვილია, მაგრამ სწორი სვლა არის ძალიან რთული. ჩვენ ევროპას ვჭირდებით ჩვენი ხასიათით, იდენტობით, ეკონომიკურად ძლიერი ქვეყანა. თუ მართლა გვინდა ევროპაში თავი დავიმკვიდროთ, ჩვენ უნდა ვიყოთ წელში გამართულები. როდესაც ვიღაცები მიხვდნენ, რომ ევროპის და ამ შემთხვევაში კანდიდატის სტატუსი საქართველოს წინააღმდეგ იარაღად აღარ გამოადგებოდათ, ამის შემდეგ მივიღეთ სტატუსი, ვიდრე ვიღაცებს ჰგონიათ, რომ მოლაპარაკებების საკითხი, როგორც იარაღი შეიძლება, გამოყენებული იყოს საქართველოს ხელისუფლების, ქართველი ხალხის წინააღმდეგ, მანამდე აქტუალური იქნება ეს საკითხი“, - აღნიშნა მამუკა მდინარაძემ.