„ჩვენ არ გავჩერებულვართ, ვმუშაობდით და დარწმუნებული ვარ, რომ შემდეგი ოთხი წელი კიდევ უფრო შედეგიანი იქნება“ - ლევან ჯაფარიძე

თბილისის საკრებულოს თავმჯდომარის მოადგილე, ლევან ჯაფარიძე თბილისის  საკრებულოში დედაქალაქის მერის ანგარიშს გამოეხმაურა და საკრებულოს მუშაობის გასული ოთხი წელი შეაფასა. ლევან ჯაფარიძემ კახა კალაძეს თანამშრომლობისთვის და თბილისის საკეთილდღეოდ თავდაუზოგავი შრომისთვის მადლობა გადაუხადა.

საკრებულოს თავმჯდომარის მოადგილემ კოვიდის პანდემიის დროს მერიისა და საკრებულოს აქტიური მუშაობა გაიხსსენა და განაცხადა, რომ კახა კალაძემ შეძლო, რომ ასეთ მძიმე დროს უყურადღებოდ არცერთი ოჯახი არ დარჩენილიყო. ლევან ჯაფარიძემ რუსეთ-უკრაინის ომის დაწყება და ქვეყანაში დევნილების მიღებაც გაიხსენა და განაცხადა, რომ მაშინ, სწორედ კახა კალაძის ხელმძღვანელობით, თბილისმა თავის თავზე უდიდესი დატვირთვა აიღო და დევნილებს შესაბამისად დახვდა.

„ამ ყველაფრის პასუხად კი ვნახეთ, თუ რამხელა ბრძოლა ატყდა  ჩვენს წინააღმდეგ ჩვენი მტრეებისგან ქვეყნის შიგნით თუ გარეთ. ეს ყველაფერი დააგვირგვინეს იმით, რომ  რევოლუციის რამდენიმე მცდელობა მოგვიწყვეს, რომელიც ძირითადად ამ ქალაქის ქუჩებმა გადაიტანა. მადლობა ბატონო კახი, რომ ამ ყველაფრის ფონზე დღეს ჩვენ ვსაუბრობთ გაზრდილ ბიუჯეტზე, ვსაუბრობთ იმაზე, რომ ამ ყველაფრის პარალელურად ჩვენ ვაკეთებდით უამრავ საქმეს.  როგორც კრწანისის მაჟორიტარი, გეტყვით, რომ არცერთი დაპირება, რომელიც გავეცით არ დაგვრჩა შეუსრულებელი. ჩვენ არ გავჩერებულვართ,  ვმუშაობდით და დარწმუნებული ვარ, რომ შემდეგი ოთხი წელი კიდევ უფრო შედეგიანი იქნება“- განაცხადა ლევან ჯაფარიძემ.