არ შეიძლება, ვინმემ ერთობა დაინახოს, როგორც ერთი პარტიის რეჟიმში მოქმედი რამდენიმე პარტია, ეს ასე არ იქნება - ზვიად ძიძიგური ოპოზიციის ერთობაზე

ვინ ქმნის პრობლემას ოპოზიციურ ერთობაში - "ნაციონალური მოძრაობა" ამ კონტექსტში გახარიას პარტიას ასახელებს და მოუწოდებს პოლიტიკურ მოძრაობას თვითმმართველობის არჩევნებში მონაწილეობასთან დაკავშირებით პოზიცია ღიად დააფიქსიროს.

თავად ყოფილი პრემიერის თანაგუნდელები კი საკითხის განხილვას ნაადრევად მიიჩნევენ. მათივე განმარტებით, ოპოზიციის ერთიანობისთვის კოორდინაციაა ყველაზე მნიშვნელოვანი და სალომე ზურაბიშვილმა ამ მიმართულებით მაქსიმალური გააკეთა.

"ადრეა ჯერ ამ თემაზე რაღაც პოზიციის დაფიქსირება, როდესაც იქნება აქტუალური ეგ თემა, მაშინ დავაფიქსირებ პოზიციას. რაც შეეხება ერთობას, ეს არ შეიძლება ვინმემ დაინახოს, როგორც ერთი პარტიის რეჟიმში მოქმედი რამდენიმე პარტია, ეს ასე არ იქნება. რაც შეეხება კოორდინაციას, კოორდინაციისთვის ვართ მზად. მაქსიმუმი გააკეთა სალომე ზურაბიშვილმა. გეგმა რა არის? გეგმა არის ისევ, ალბათ, ქუჩის პროტესტის გააქტიურება, როგორ უნდა მოხდეს ამის გააქტიურება, ამასთან დაკავშირებით არსებობს სწორედ ეს პლატფორმა, რომელიც არის შექმნილი", - აცხადებს პარტიის ”გახარია საქართველოსთვის” წევრი ზვიად ძიძიგური.