ამისთვის შევარდით საზმაუში? არ სჯობს საკუთარი დაბლოკილი ეთერები გახსნათ და ლაპარაკის დაწყება მოსთხოვოთ მოწვეულ სტუმრებს, ნაცვლად იმისა, რომ შევარდეთ და რაც თქვენთან გაქვთ იმნაირი უაზრო კონცერტი მოაწყოთ საზმაუზეც - იაგო ხვიჩია ოპოზიციას

საზოგადოერივ მაუწყებელთან განვითარებულ მოვლენებს "გირჩის" ლიდერი იაგო ხვიჩია სოციალურ ქსელში ეხმაურება.

როგორც ხვიჩია აღნიშნავს, ის ხალხი, ვის ეთერში საჯდომადაც იყო ბრძოლა, ისედაც სულ ეთერებში სხედან და არაფერს ამბობენ.

„ოპოზიციას აქვს სულ მცირე სამი უფრო პოპულარული არხი, ვიდრე საზოგადოებრივი მაუწყებელი.

სამივეზე განსხვავებული აზრის, იმაზე უარესი ბლოკადაა მოწყობილი, ვიდრე ოდესმე ყოფილა საზმაუზე ვასილ მაღლაფერიძის პირობებში.

(კომუნისტების დროს რა იყო არ ვიცი)

ეს ხალხი, ვის ეთერში საჯდომადაც იყო ბრძოლა, ისედაც სულ ეთერებში სხედან და არაფერს ამბობენ.

ახლაც დასვეს საზმაუზე და რა? რას ამბობენ ისეთს, რასაც ნაცმედიაში ვერ ილაპარაკებდნენ?

ამისთვის შევარდით საზმაუში? ესაა ევროპისთვის ბრძოლა? არ სჯობს საკუთარი დაბლოკილი ეთერები გახსნათ და ლაპარაკის დაწყება მოსთხოვოთ მოწვეულ სტუმრებს? ნაცვლად იმისა, რომ შევარდეთ და რაც თქვენთან გაქვთ იმნაირი უაზრო კონცერტი მოაწყოთ საზმაუზეც“, - წერს იაგო ხვიჩია სოციალურ ქსელში.