„ამბობდით, რომ გულდაწყვეტილი იყავით, ბიძინამ არ გაგიკარათ“ - ვახო ხუზმიაშვილი გელბახიანს

თქვენ ამბობდით, რომ გულდაწყვეტილი იყავით, ბიძინა ივანიშვილმა არ გაგიკარათ, - ასე მიმართა „თავისუფალი სივრცის“ წამყვანმა, ვახო ხუზმიაშვილმა გადაცემაში სტუმრად მყოფ მიხეილ სააკაშვილის ადვოკატს, ვალერი გელბახიანს.

„თქვენ გსურდათ ბიძინა ივანიშვილთან ახლო ურთიერთობა და არ გაგიკარათ. ეს დავით აქუბარდიასთან თქვით. თქვენ გინდოდათ ივანიშვილთან ახლოს ყოფნა“ - თქვა ხუზმიაშვილმა, რაზეც გელბახიანმა შემდეგნაირად უპასუხა:

„მე მზად ვიყავი, ყველა ხელისუფალთან მეთანამშრომლა. განცხადებით მივმართე?! პირიქით, მან ჩემზე გორში ცუდი ამბავი თქვა და სასამართლოში ვუჩივლე. გინდათ, „ქართულმა ოცნებამ“ ითანამშრომლოს, კაი საქმე დამანახონ გაკეთებული.“