ჟიტიმორის რაიონში ოკუპანტებმა საკრუიზო რაკეტები გამოიყენეს - არის მსხვერპლი

jitimori

ჟიტომირის რაიონის ქალაქ მალინის ინფრასტრუქტურულ ობიექტზე რუსული საკრუიზო რაკეტების დარტყმის შედეგად, ერთი ადამიანი დაიღუპა და რამდენიმე დაშავდა. ამის შესახებ უკრაინული მედია წერს. 

გავრცელებული ცნობით, ჟიტომირის რაიონში განხორციელებული დაბომბვის შედეგად, 150-ზე მეტი სახლი დაზიანდა.

უკრაინის ხელისუფლების ინფორმაციით, რუსეთის საოკუპაციო ძალებმა კრივოი როგის რაიონში სამი დასახლება დაბომბეს. დაბომბვას მსხვერპლი არ მოჰყოლია და ინფრასტრუქტურული ობიექტები არ დაზარალებულა.

უკრაინის ოპერატიული სარდლობა „სამხრეთის“ ინფორმაციით, რუსეთის შავი ზღვის ფლოტის ერთ-ერთი უახლესი ხომალდი „ადმირალი მაკაროვი“ სევასტოპოლიდან გავიდა, რაც სარაკეტო დარტყმების ალბათობას ზრდის.