„გვიყვარს სირბილი, მაგრამ ახლა ამის დრო არ გვაქვს“ - ზელენსკი უარყოფს ბრალდებებს, რომ უკრაინიდან გაიქცა

უკრაინის პრეზიდენტმა ვლადიმირ ზელენსკიმ პარასკევს თავის ოფიციალურ ინსტაგრამზე ვიდეო გამოაქვეყნა და თქვა, რომ ის ჯერ კიდევ დედაქალაქ კიევშია და ქვეყნიდან არ გაქცეულა.

„ყოველ ორ დღეში ერთხელ ჩნდება ინფორმაცია, რომ სადღაც გავქცეული ვარ - უკრაინიდან, კიევიდან, ჩემი ოფისიდან.

როგორც ხედავთ, მე აქ ვარ ჩემს ადგილას, აქ არის ანდრეი ბორისოვიჩი (იერმაკი). არავინ გაქცეულა არსად. აქ ჩვენ ვმუშაობთ“, - განაცხადა ზელენსკიმ.

„გვიყვარს სირბილი, მაგრამ ახლა ამის დრო არ გვაქვს, სხვადასხვა კარდიო ვარჯიშებისთვის“, - იხუმრა მან.