ზელენსკი: რუსეთი თავად აკეთებს ყველაფერს, რომ მოხდეს უკრაინის დერუსიფიკაცია

რუსეთი თავად აკეთებს ყველაფერს, რომ მოხდეს უკრაინის დერუსიფიკაცია, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.  ინფორმაციას BBC-ი ავრცელებს.

„ჩვენ ცოტა ხნის წინ ვესაუბრეთ ჩვენს გმირებს მარიუპოლში და ვესაუბრეთ რუსულ ენაზე, რადგან უკრაინაში არ არის და არასდროს ყოფილა ენის პრობლემა. ახლა თქვენ, რუსი ოკუპანტები ქმნით ამ პრობლემას. თქვენ აკეთებთ ყველაფერს, რომ ჩვენმა ხალხმა რუსულ ენას ზურგი აქციოს. რუსული ენა თქვენთან იქნება ასოცირებული, ამ აფეთქებებთან და მკვლელობებთან, თქვენს დანაშაულებთან. რუსეთი თავად აკეთებს ყველაფერს, რომ ჩვენი სახელმწიფოს ტერიტორიაზე შედგეს დერუსიფიკაცია. ამას თქვენ აკეთებთ. ერთი თაობის განმავლობაში და სამუდამოდ. ეს თქვენი თვითმკვლელი პოლიტიკის კიდევ ერთი გამოვლინებაა“, – განაცხადა ზელენსკიმ.