ზელენსკი: რა ქვეყანაა ასეთი ეს რუსეთის ფედერაცია, საავადმყოფოებისა და სამშობიაროების რომ ეშინია და ანადგურებს მათ?

უკრაინის პრეზიდენტის, ვოლოდიმირ ზელენსკის თქმით, ის, რასაც ოკუპანტები მარიუპოლში აკეთებენ, უკვე მხეცობას სცდება.

„საბავშვო საავადმყოფო, სამშობიარო კლინიკა. რითი ემუქრებოდნენ რუსეთის ფედერაციას? რა ქვეყანაა ასეთი ეს რუსეთის ფედერაცია, საავადმყოფოებისა და სამშობიაროების რომ ეშინია და ანადგურებს მათ? იქ პატარა ბანდერელები იყვნენ? თუ ფეხმძიმე ქალები როსტოვისთვის ცეცხლის გახსნას აპირებდნენ? სამშობიაროში ვინმე რუსულენოვნებს ამცირებდა? ეს საავადმყოფოების დენაციფიკაცია იყო?“,- განაცხადა ვოლოდიმირ ზელენსკიმ.

შეგახსენებთ, რომ 9 მარტს, რუსმა ოკუპანტებმა მარიუპოლის ბავშვთა საავადმყოფოსა და სამშობიარო სახლზე ავიაიერიში მიიტანეს.